Muperum Vizha – Ariyalur

அரியலூர் மாவட்டம் டாக்டர் அப்துல்கலாம் எதிர்கால தொலைநோக்கு அறக்கட்டளையின் சார்பில் நேற்று 30.6.2024 தா.பழூர், அண்ணா நகரில் முப்பெரும் விழா சிறப்பாக நடைபெற்றது. இதில் அறக்கட்டளையின் முன்னாள் ஒருங்கிணைப்பாளர் திரு.இளமுருகசெல்வன் அவர்களின் திருவுருவப் படத்திற்கு மாலை அணிவிக்கப்பட்டு புகழ் அஞ்சலி செலுத்தப்பட்டது. பின்னர் அறக்கட்டளையின் தலைவர் திரு.பிரபஞ்சன் அசோகன் மற்றும் அறக்கட்டளையின் பொதுச் செயலாளர் திரு.வெங்கடேசன் அவர்கள் புதிய மாவட்ட ஒருங்கிணைப்பாளர் திரு.அன்பழகன் அவர்கள் நியமனம் செய்யப்பட்டு சிறப்புரை ஆற்றினார்கள். இந்த நிகழ்ச்சியில் தா.பழூர் ஊராட்சி மன்ற தலைவர் மற்றும் தா.பழூர் மின் பொறியாளர் திரு. இளையராஜா அவர்கள் கலந்து கொண்டு வாழ்த்துரை வழங்கினார்கள். இதில் மறைந்த மாவட்ட முன்னாள் ஒருங்கிணைப்பாளர் இளமுருகசெல்வன் குடும்ப உறுப்பினர்கள் மற்றும் அறக்கட்டளையின் உறுப்பினர்கள் கலந்து கொண்டனர். இந்த நிகழ்ச்சியில் கலந்து கொண்டவர்களுக்கு மரக்கன்றுகள் வழங்கப்பட்டது. மேலும் தொடக்கப்பள்ளி ஆசிரியர் திரு.ஐயப்பன் உணவு உபசரிப்பு மற்றும் தண்ணீர் வழங்கினார். இறுதியாக அறக்கட்டளையின் மூத்த உறுப்பினர் திரு.ஜெயசேகரன் அவர்கள் நன்றியுரை வழங்கினார்.