டாக்டர் அப்துல் கலாம் நினைவஞ்சலி நிகழ்ச்சி.
ஜூலை 27 அரியலூர் மாவட்டம் தா.பழூர் அருகே சிந்தாமணி ஊராட்சி ஒன்றிய தொடக்கப்பள்ளியில் தா.பழூர் டாக்டர். அப்துல் கலாம் எதிர்கால தொலைநோக்கு அறக்கட்டளை சார்பாக முன்னாள் ஜனாதிபதி டாக்டர். அப்துல் கலாமின் எட்டாம் ஆண்டு நினைவு நாளை முன்னிட்டு நினைவேந்தல் நிகழ்ச்சி நடைபெற்றது. பள்ளி மாணவர்கள் அஞ்சலி செலுத்தினர், மேலும் பள்ளி மாணவர்களுக்கு டாக்டர். அப்துல் கலாம் எதிர்கால தொலைநோக்கு அறக்கட்டளை சார்பாக திறன் மேம்பாட்டு போட்டிகள், திருக்குறள், ஓவிய போட்டி, பேச்சு போட்டி நடத்தப்பட்டன. இதில் விருதுகள், பதக்கம், ஜாமன்றி பாக்ஸ், நோட் பரிட்சை அட்டை, பேனா மற்றும் பாராட்டு சான்றிதழ்கள் போன்ற கல்வி உபகரணங்கள் வழங்கப்பட்டது. இந்நிகழ்ச்சி டாக்டர். அப்துல் கலாம் எதிர்கால தொலைநோக்கு அறக்கட்டளை மாவட்ட ஒருங்கிணைப்பாளர் கலாம் இளமுருகன் தலைமையில் நடைபெற்றது. இதில் பள்ளி உதவியாசிரியர் அன்பு வரவேற்புரை நிகழ்த்தினார். மேலும் சிறப்பு விருந்தினராக தா.பழூர் காவல் உதவி ஆய்வாளர் பன்னீர்செல்வம், வட்டார கல்வி அலுவலர் சாந்தி ராணி, பள்ளி தலைமை ஆசிரியை அமுதா, சிந்தாமணி ஊராட்சி மன்ற தலைவர் சசிகலா மற்றும் அறக்கட்டளை உறுப்பினர்கள் பாலகிருஷ்ணன், செல்வம், பாஸ்கரன், தேவேந்திரன், மாரிமுத்து, கவிதை கலந்து கொண்டு பரிசு பொருட்களை வெற்றி பெற்ற மாணவர்களுக்கு வழங்கினார். இதில் அப்துல் கலாம் நினைவாக பள்ளி வளாகத்தில் மரக்கன்றுகள் நடப்பட்டன. நிகழ்ச்சி நிறைவாக அறக்கட்டளை மாவட்டத் துணை ஒருங்கிணைப்பாளர் அன்பழகன் நன்றியுரை கூறி நிகழ்ச்சியை நிறைவு செய்தார்.