77வது சுதந்திர தின விழா கொண்டாட்டம்
அரியலூர் மாவட்டம் தா.பழூரில் டாக்டர். அப்துல் கலாம் எதிர்கால தொலைநோக்கு அறக்கட்டளை வளாகத்தில் 77வது சுதந்திர தின விழா கொண்டாடப்பட்டது. இதில் அறக்கட்டளை மாவட்ட ஒருங்கிணைப்பாளர் கலாம் இளமுருகன் தலைமையில் மாவட்ட துணை ஒருங்கிணைப்பாளர் அன்பழகன் தேசிய கொடி ஏற்றி வைத்து மரியாதை செலுத்தினார். பின்பு தேசப்பிதா மகாத்மா காந்தி மற்றும் டாக்டர். அப்துல் கலாம் உருவ படத்திற்கு மலர் தூவி மரியாதை செலுத்தினார். பின்பு பள்ளி மாணவர்களுக்கு இனிப்புகள் மற்றும் கல்வி உபகரணங்கள் வழங்கப்பட்டது இதில் சிறப்பு விருந்தினராக அம்மா சக்தி சாந்தி அறக்கட்டளை உறுப்பினர்கள் பாலகிருஷ்ணன், ஐயப்பன், ஆசிரியர் இளந்தென்றல் கலந்து கொண்டனர். சுற்றுச்சூழல் மாசுபாட்டை தடுக்க வீட்டுக்கு ஒரு மரம் வளர்க்க வேண்டும் என்று அறக்கட்டளை மாவட்ட ஒருங்கிணைப்பாளர் விழிப்புணர்வு ஏற்படுத்தும் வகையில் சிறப்புரை ஆற்றினார். மேலும் அண்ணன்காரன் பேட்டை மேற்கு ஊராட்சி ஒன்றிய துவக்கப்பள்ளியில் நடைபெற்ற சுதந்திர தின விழாவில் அறக்கட்டளை சார்பாக கலந்து கொண்டு திறன் மேம்பாட்டு போட்டிகள் வைத்து வெற்றி பெற்ற மாணவர்களுக்கு அறக்கட்டளை உறுப்பினர் பாஸ்கரன் மற்றும் மாவட்ட ஒருங்கிணைப்பாளர் கலாம் இளமுருகன் பரிட்சை அட்டை, ஜாமன்றி பாக்ஸ் போன்ற கல்வி உபகரணங்கள் வழங்கப்பட்டது. இந்நிகழ்வில் பள்ளி தலைமை ஆசிரியை கனிமொழி உதவி ஆசிரியை சங்கீதா, ஊராட்சி மன்ற துணை தலைவர் செந்தமிழ்ச்செல்வி, உறுப்பினர் தினேஷ்பாபு பொதுமக்கள் உள்ளிட்டோர் கலந்து கொண்டு சிறப்பித்தனர்.